Սկրաբ-Դիմակ “Խունկ”

Բաղադրությունը

• Խունկի խեժ
• Գասսուլ կավ
• Ցորենի ծիլի էքստրակտ,
• ժոժոբա յուղ
• Դեղձի յուղ
• Մասուրի յուղ
• Նուշի յուղ
• Արգանի յուղ
• Վիտամին E
• Խունկի եթերայուղ
• Կոսմետիկ սկրաբային բազա, որը ստացված է  բուսական ծագում ունեցող հումքից։

Նկարագիրը՝ սկրաբի նուրբ և փափուկ զանգվածը հեշտությամբ տարածվում է մաշկին։ Մանրակրկտորեն  մաքրում է ծակոտիները մահացած բջիջներից, թեփոտվածությունից, աղտոտվածությունից։ Սկրաբի օգտագործման արդյունքում մաշկը դառնում է հարթ, մետաքսենման, մաքրվում են ծակոտիները՝ ինչի արդյունքում մաշկը սկսում է լավ շնչել։ Խունկի խեժի և Գասսուլ կավի  շնորհիվ լավանում է արյան շրջանառությունը, մաշկը հարստանում է բացառիկ միներալներով, կարգավորվում է նյութափոխանակությունը ։ Նախատեսված է դեմքի մաշկի համար, բայց ըստ անհրաժեշտության և ցանկության կարելի է կիրառել նաև մարմնին։Ցուցված է մաշկի բոլոր տիպերին՝ հատկապես արդյունավետ կլինի չոր, ջրազրկված, հասուն մաշկերին։

Գասսուլ կավը՝ Պայքարում է վաղաժամ ծերացման դեմ,ձգում և էլաստիկ է դարձնում մաշկը, նեղացնում է ծակոտիները, կարգավորում է ճարպագեղձերի աշխատանքը, բարելավում է արյան շրջանառությունը, հագեցնում է մաշկը բացառիկ միներալներով որոնքը առկա են միայն գասսուլ կավի մեջ։ Նպաստում է այտուցների նվազեցմանը, վերացնում է մանր կնճիռները, համապատասխանում է մաշկի բոլոր տեսակներին՝ այդ թվում զգայուն և ալերգիաների հակում ունեցող։

Ցորենի ծիլի էքստրակտ՝ ունի երիտասարդացնող, սնուցող,վերականգնող, հատկություններ։ Կանխում է կնճիռների առաջացումը,դանդաղեցնում է բնական ծերացման պրոցեսները,պաշտպանում է մաշկը արտաքին գործոններից՝  ուլտրամանուշակագույն ճառագայթներ, քամի, ցուրտ և այլն։ Վերացնում է չորությունը, թեփոտվածությունը, կարմրությունը։ Օգտագործվում է նաև աչքերի շուրջ նուրբ մաշկի համար։

Դեղձի կորիզի յուղ՝ Խոնավեցնում, տոնուսավորում,  երիտասարդացնում է մաշկը, հանում է բորբոքումները, Պայքարում է կնճիռների, ցելյուլիտի, աչքերի շուրջ սև շրջանակների դեմ, սմրացնում և սնուցում է մազերն ու եղունգները։ Չի թողնում յուղային փայլ։ Համապատասխանում է մաշկի բոլոր տիպերին հատկապես՝ ծակոտիներով, չոր,տարիքով,զգայուն։

Մասուրի սերմի յուղ՝ Ունի  փափկեցնող վերականգնող, երիտասարդացնող, սնուցող ազդեցություն, պայքարում է մանր կնճիռների, սպիերի, ստրիաների դեմ, կարգավորում է ճարպագեղջերի աշխատանքը,օգտագործում են նաև աչքերի շուրջ, յուղոտ մաշկի պարագայում խորհուրդ չի տրվում օգտագործել մաքուրվիճակում։

Ժոժոբայի յուղ՝  սնուցում, խոնավեցնում և վերականգնում է վնասված մաշկը, վերացնում է գրգռվածությունը, կարմրությունն ու բորբոքվածությունը։ Ունի երիտասարդացնող և ձգող հատկություններ, համարվում է հակացելյուլիտային լավագույն յուղերից մեկը։
Նուշի յուղ՝ ունիվերսալ է  համապատասխանում է մաշկի բոլոր տիպերին, սակայն առավել արդյունավետ է չոր, ջրազրկված, զգայուն մաշկի համար։ Այն սնուցու, խոնավեցնում, հարթեցնում է մաշկը և պաշտպանում է ջրազրկումից։

Արգանի յուղ՝ խորը սնուցում և խնամում է մաշկը,մազերը,եղունգներն ու կուտիկուլան։Պայքարում է մանր կնճիռների, դրանց հետագա առաջացման դեմ։ Հարստացնում է մաշկը մի շարք բացառիկ վիտամիններով և միկրոէլեմենտներով, Թույլատրվում է օգտագործել նաև հղիության ժամանակ՝ ձգում և պաշտպանում է մաշկը ստրիաների առաջացումից։ Համապատասխանում է մաշկի բոլոր տիպերին։

Խունկի եթերայուը ՝ պայքարում է մանր կնճիռների, լայնացած ծակոտիների, ակնեի, ցանավորման դեմ, հրաշալի երիտասարդացնող և վերականգնող միջոց է, ունիվերսալ է և համապատասխանում է մաշկի բոլոր տիպերին։ Չոր մաշկի պարագայում  խորը սնուցում և օգնում է վերականգնել մաշկի առողջ, թարմ տեսքը, յուղոտ մաշկի պարագայում կարգավորում է ճարպագեղձերի աշխատանքը, մաքրում և նեղացնում է ծակոտիները։ Հզոր հակաօքսիդանտ է։ Խորհուրդ չի տրվում օգտագործել մաքուր վիճակում ։

Վիտամին E-ն մաշկի խնամքի համար շատ կարևոր դեր ունի՝ այն պաշտպանում է մաշկը ջրազրկումից, խոնավեցնում է, կանխում է տարիքային պիգմենտացիայի առաջացումը, վերականգնում , հարթեցնում է մաշկը և պաշտպանում է արտաքին գործոններից՝ ցուրտ, քամի, ուլտրամանուշակագույն ճառագայթներ։

Կոսմետիկ սկրաբային բազան ստացված է կոմպոնենտներից որոնք արտադրվում են բուսական բաղադրիչների վերամշակման արդյունքում։ Թույլ է տալիս հեշտությամբ տարածել սկրաբը մաշկին և լավ սնուցում է այն։

Օգտագործման եղանակը՝  սկրաբային զանգվածը տարածել նախապես լվացված մաքուր մաշկին, մերսող շարժումներով տրորել 1-3 րոպե (ցանկությանն դեպքում կարող եք թողնել դեմքին 10-15 րոպե՝ այդպիսով բաղադրության մեջ առկա յուղերը ավելի խորը կսնուցեն մաշկը) լվանալ գոլ ջրով։ Հաջորդիվ ցանկալի է օգտագործել հիդրոլատ՝ կկարգավորվի մաշկի թթվայնությունը կամ յուղային կոկտեյլ ՝մաշկը լրացուցիչ սնուցելու և խոնավեցնոլու համար։

Տարողությունը՝  75մլ․

Պահպանման պայմանները՝ +5 — +25 oC Արևի անմիջական ճառագայթներից հեռու, զով տեղում։ Տարան պահել փակ , հնարավորինս չոր վիճակով՝ ջրային մասի առկայությունը կարող է կրճատել պիտանելիության ժամկետը։

Հակացուցումներ՝ Անհատական անհանդուրժողականություն բաղադրիչների նկատմամբ, մաշկի խորը բորբոքումներ, բաց թարախային վերքեր, արևային այրվածքներ, չափազանց զգայուն մաշկ։

Պիտանելիության ժամկետը ՝ 12 ամիս

Տարան՝  PP — արտադրված է առաջնային հումքից, որը վնասակար չէ առողջությանը,  նախատեսված է նաև սննդային փաթեթավորման համար։ Ի շնորհիվ հետագայում վերամշակման հնարավորության չի աղտոտում մոլորակը։

*RehaneCare-ի բոլոր պրոդուկտները պատրաստվում են բարձրորակ, անվտանգ, բնական հումքերից, օգտագործվող բոլոր  գործիքները, տարաները մանրէազերծվում են։ Խնամքի միջոցները  պատրաստվում են լաբորատոր պայմաններում և ունեն սերտիֆիկացում։